د پیپلز ګوند په کوټه کې د ګورنر راج په ملاتړ لاریون وکړ

کوټه (وېب نیوز) د پاکستان پیپلز ګوند په کوټه کې په خیبر پښتونخوا کې د ګورنر راج په ملاتړ لاریون وکړ. ګډونوالو د پاکستان بیرغونه پورته کړي وو. صوبایي وزیر علي مدد جتک په وینا کې تور ولګاوه چې د پاکستان تحریک انصاف سیاست د هېواد اقتصادي ثبات او پرمختګ ته زیان رسوي. هغه وویل چې د هېواد ثبات او د خلکو هوساینه باید لومړیتوب ولري. د لاریون ګډونوالو د ګورنر راج په ملاتړ شعارونه ورکړل.