سعادت الله خان بازۍ د بلوچستان د صوبايي محتسب په توګه لوړه وکړه

کوټه (وېب نیوز) د بلوچستان ګورنر جعفر خان مندوخېل له پخواني ډسټرکټ اېنډ سېشن جج سعادت الله خان بازۍ څخه د صوبايي محتسب دندې لوړه واخیسته. په ګورنر هاوس کې د لوړې په مراسمو کې صوبايي سلاکار نسیم الرحمن، د بلوچستان اسمبلۍ غړي نعیم بازۍ او اېډووکېټ جنرل عبداللطیف کاکړ ګډون درلود. ګورنر وویل چې د صوبايي محتسب اداره د خلکو د شکایتونو په حل او په دولتي ادارو کې د اداري بې‌نظمۍ په معلومولو کې مهم رول لري او باید خلکو ته پر وخت اسانتیاوې برابرې کړي.