د کوټې نوې کلی ته نږدې د پوځ روزنیزه الوتکه لوېدلې، دوه پیلوټان شهیدان شوي

کوټه (وېب نیوز) د پاکستان د پوځ د عامه اړیکو ادارې، آی اېس پي آر، له مخې د کوټې نوې کلی سیمې ته نږدې د پوځ د مشاق روزنیزې الوتکې د تخنیکي ستونزې له امله سقوط کړی، چې پکې انسټرکټر پیلوټ مېجر حسنین شهزاد او روزنیز پیلوټ کېپټن عبدالصمد شهیدان شوي دي. امنیتي او امدادي ډلې د پېښې ځای ته رسېدلې دي. د بلوچستان وزیراعلیٰ میر سرفراز بګټي د دواړو پیلوټانو پر شهادت خواشیني څرګنده کړې، له کورنیو سره یې غمرازي کړې او د شهیدانو لپاره یې د لوړو درجو دعا کړې ده.