په خیبر پښتونخوا کې ایمرجنسي او ګورنر راج د وخت اړتیا ده، صوبايي وزیران

کوټه (وېب نیوز) د بلوچستان اسمبلۍ په غونډه کې د خیبر پښتونخوا د وضعیت په اړه د بحث پر مهال صوبايي وزیرانو ظهور بلیډي او سلیم احمد کهوسه د وفاقي حکومت د اقدام دفاع کړې ده. ظهور بلیډي ویلي چې ریاست د ترهګرۍ پر وړاندې چوپ نه شي پاتې کېدای، په داسې حال کې چې سلیم احمد کهوسه ادعا کړې چې د خیبر پښتونخوا په ځینو سیمو کې د ریاست عملداري له ننګونو سره مخ ده. صوبايي وزیرانو ایمرجنسي او ګورنر راج د حالاتو د کنټرول لپاره اړین اقدام بللی دی.