له کچلاک څخه یارو پورې د جناح پیپلز ټرېن د غځولو قرارداد منظور شو

کوټه (وېب نیوز) د بلوچستان اسمبلۍ د غړي سید ظفر علي آغا هغه قرارداد منظور کړی چې له مخې یې د جناح پیپلز ټرېن خدمت دې له کچلاک څخه د یارو ریلوې سټېشن پورې وغځول شي. په قرارداد کې وړاندیز شوی چې صوبايي حکومت دې له وفاقي وزارتِ ریلوې سره اړیکه ونیسي او د ټرېن د غځولو لپاره اقدامات وکړي. همداراز له یارو څخه تر پشین پورې د ۱۲ کیلومتره نوي رېل پټلۍ د جوړولو وړاندیز هم شوی، څو د سیمې زده‌کوونکي، کارکوونکي، ناروغان او نور مسافر له دې اسانتیا ګټه واخلي.