سعودي کابینې: حوثي ملیشیا پر حرمینو شریفینو او هوايي ډګرونو بریدونو سره ستر جرم کړی

کوټه (وېب نیوز) د سعودي ولیعهد شهزاده محمد بن سلمان په مشرۍ د کابینې په غونډه کې د هېواد د دفاع لپاره د وسله‌والو ځواکونو خدمتونه وستایل شول. د عربي رسنیو د راپور له مخې، سعودي کابینې تور پورې کړی چې حوثي ملیشیا پر هوايي ډګرونو، حرمینو شریفینو او ملکي او اقتصادي تاسیساتو په بریدونو سره ستر جرم کړی دی. کابینې خبرداری ورکړی چې په دغو بریدونو کې ښکېل کسان به د خپلو اقداماتو پایلې وویني.