د پي ټي‌آی د حکومت پر مهال د جوماتونو د لمریزې برېښنا په پروژه کې د بې‌نظمۍ ادعاوې

کوټه (وېب نيوز) د خیبر پښتونخوا د پي ټي‌آی د حکومت پر مهال د جوماتونو د لمریزې برېښنا په پروژه کې د احتمالي بې‌نظمۍ راپورونه خپاره شوي دي. د اسنادو له مخې، هغه دوه شرکتونه چې په لومړني وړتیا ارزونه کې ناکام شوي وو، د ځینو شرطونو له نرمولو وروسته بېرته د داوطلبۍ په بهیر کې شامل کړل شول. په لومړي پړاو کې د ۲ زره او ۴۹۰ جوماتونو د لمریزولو پروژه په اوو برخو وېشل شوې وه. خو د خیبر پښتونخوا د انرژۍ پراختیا ادارې (پیډو) په خپل لیکلي دریځ کې ویلي، چې د شرکتونو د وړتیا ارزونه او د داوطلبۍ د اسنادو څېړنه د ټاکل شویو اصولو له مخې شوې او هېڅ شرکت ته غیرقانوني ګټه نه ده ورکړل شوې. د ادارې په وینا، د هر جومات لپاره منظور شوی لګښت له بازاري نرخونو سره هم د اړوندو اصولو له مخې پرتله شوی، او د پروژې د ځنډ لاملونه د بودیجې نشتوالی او اداري ستونزې وې. په پروژه کې د نورو ۵۰۰ جوماتونو له شاملېدو وروسته، د لمریزې برېښنا د برابرولو ټولیز هدف ۷ زره او ۵۰۰ جوماتونو ته رسېدلی دی.