په مند او تمپ کې د خلکو موټر سوځوونکي د بلوچي دودونو استازیتوب نه کوي، مینا مجید

کوټه (وېب نیوز) د بلوچستان اسمبلۍ د لوبو سلاکارې مینا مجید ویلي، په مند او تمپ کې د عامو خلکو د موټرو سوځول او د لارو بندول ولس ته اقتصادي زیان رسوي. هغې ویلي، د بېوزلو خلکو د روزګار وسیلې له منځه وړل د بلوچي دودونو استازیتوب نه کوي. مینا مجید له وسله‌والو عناصرو غوښتي چې وسله کېږدي او عام خلک په نښه نه کړي. هغې پر ولس هم غږ کړی چې د سولې د ټینګښت او د ترهګرۍ د مخنیوي لپاره همکاري وکړي.