امام الحق ته په کورني کرکټ کې د لوبېدو اجازه ورکړل شوه

لاهور (وېب نیوز ) ملي لوبغاړي امام الحق ته په پیټرنز ټرافي ګریډ ون سیالیو کې د ګډون اجازه ورکړل شوې ده. د سرچینو په وینا، امام الحق به د سیالیو په وروستي پړاو کې، چې سبا پیلېږي، د او جي ډي سي اېل لوبډلې استازیتوب وکړي. بل لور ته، د پاکستان ملي لوبډلې وېکټ ساتونکي او توپوهونکي محمد رضوان ته هم په کورني کرکټ کې د لوبېدو اجازه ورکړل شوې او نوموړی به د اېس اېن جي پي اېل لوبډلې لپاره ولوبېږي. د سرچینو په وینا، محمد رضوان د نیپال کرکټ لیګ کې د ګډون لپاره د پاکستان کرکټ بورډ څخه د اجازې غوښتنه کړې وه، خو بورډ ورته سپارښتنه کړې چې کورني کرکټ ته لومړیتوب ورکړي.