د حکومتي پورونو د ورځې ۲۰ میلیارده روپیو زیاتوالي خبر بشپړ انځور نه وړاندې کوي، د مالیې وزارت

اسلام‌آباد (وېب نيوز) د پاکستان د مالیې وزارت د حکومتي پورونو د ورځې ۲۰ میلیارده روپیو زیاتوالي په اړه خپور شوی خبر ناسم او نیمګړی انځور بللی او ویلي یې دي چې د پورونو د واقعي وضعیت معلومولو لپاره باید د هېواد له ناخالص کورني تولید سره د هغوی تناسب وکتل شي. د وزارت په وینا، د حکومتي پورونو او ناخالص کورني تولید تناسب د ۲۰۲۶ مالي کال په پای کې ۶۸ سلنې ته راکم شوی دی. د حکومتي پورونو د زیاتوالي کلنۍ کچه په ۲۰۲۳ مالي کال کې شاوخوا ۲۶ سلنه وه، خو په ۲۰۲۶ مالي کال کې ۷.۷ سلنې ته راټیټه شوې ده. وزارت وایي چې په ۲۰۲۶ کال کې د پورونو د زیاتوالي کچه د تېرو دوو لسیزو تر ټولو ټیټې کچې ته رسېدلې، په داسې حال کې چې له ۲۰۰۷ څخه تر ۲۰۲۶ مالي کال پورې یې کلنۍ منځنۍ کچه ۱۶.۷ سلنه وه. د وزارت د معلوماتو له مخې، د ۲۰۲۶ کال په اګست کې د مرکزي حکومت پورونه د جون میاشتې په پرتله ۶۸۹ میلیارده روپۍ کم شوي وو.