د اسما جتک او لایبه ستار په قضیو کې د پرمختګ نشتوالي د بلوچستان اسمبلۍ سپیکر اندېښمن کړی

کوټه (وېب نیوز) د بلوچستان اسمبلۍ سپیکر کېپټن (ر) عبدالخالق خان اچکزي د اسما جتک او لایبه ستار په قضیو کې د نومول شویو تورنو کسانو د نه نیول کېدو او د پلټنو د پرمختګ نشتوالي په اړه اندېښنه څرګنده کړې او له پولیسو یې وضاحت غوښتی دی. نوموړي پولیسو ته لارښوونه کړې، چې د دواړو قضیو شفافې پلټنې بشپړې کړي، له تورنو کسانو سره د قانون له مخې چلند وکړي او اغېزمنو مېرمنو او د هغوی کورنیو ته اغېزمن امنیت برابر کړي.