محمود اڅکزی له مشرتابه نه لرې کېږي؛ عمران خان پرې بشپړ باور لري، بېرېسټر ګوهر

کوټه (وېب نیوز) د پاکستان تحریک انصاف مشر بېرېسټر ګوهر علي خان ویلي چې محمود خان اڅکزی له مشرتابه نه نه لرې کېږي او د ګوند بنسټګر عمران خان پرې بشپړ باور لري. د ورځپاڼې جنګ د راپور له مخې، بېرېسټر ګوهر په پارلمان کې له خبریالانو سره د خبرو پر مهال وویل چې عمران خان محمود اڅکزی او علامه ناصر عباس د مشرانو په توګه نومولي دي او ګوند به د هغوی تر لارښوونې لاندې خپلې چارې پر مخ وړي. نوموړي زیاته کړه چې د عمران خان پرېکړه به منل کېږي او د اپوزېسیون د مشر د ټاکلو واک هم له هغه سره و. بېرېسټر ګوهر وویل چې د ګوند پر مشرې مشعال یوسفزۍ د وضاحت غوښتنې خبرتیا هم صادره شوې او د نیول شویو پارلماني غړو د حاضرولو د حکمونو په اړه یې د ملي اسمبلۍ له سپیکر سره خبرې کړې دي.