د بلوچستان په نهو ښارونو کې د سیف سټي پروژو لپاره له پنجاب سره همکاري

کوټه (وېب نیوز) د بلوچستان وزیراعلی میر سرفراز بګټي او د پنجاب وزیراعلی مریم نواز شریف د بلوچستان په نهو ښارونو کې د سیف سټي پروژو د فعالولو لپاره پر ګډې همکارۍ سلا کړې ده. د بلوچستان د سیف سټي ادارې په غونډه کې د کورنیو چارو اضافي مشر منشي محمد حمزه شفقات د پروژو د پرمختګ په اړه معلومات وړاندې کړل. غونډې ته وویل شول چې د پنجاب سیف سټي اداره به د بلوچستان د کارکوونکو روزنه، د وړتیاوو لوړول او تخنیکي مرسته برابروي. میر سرفراز بګټي د پروژو د کار د چټکتیا او پر ټاکلي وخت د بشپړېدو لارښوونه وکړه او ویې ویل چې دی پخپله د پروژو څارنه کوي.