د پانګه والو اندېښنې دوام لري، د اروپا د ونډو په بازارونو کې کموالی

کوټه(وېب نیوز)د جمعې په ورځ د اروپا په ونډو بازارونو کې هم د ونډو د پلور فشار دوام درلود. د سوداګرۍ په لومړیو ساعتونو کې د برېتانیا اېف ټي اېس اې ۱۰۰ او د جرمني ډاکس شاخصونو شاوخوا ۱.۵ سلنه او د فرانسې کېک ۴۰ شاخص ۱.۱ سلنه کموالی ثبت کړ. د شنونکو په وینا، د ونډو د پلور فشار یوازې د ټکنالوژۍ شرکتونو پورې محدود نه دی، بلکې د اروپا د بېلابېلو سوداګریزو برخو ونډې هم اغېزمنې شوې دي.