وزیراعظم شهباز شریف د کوپ ۳۱ په سرمشریزه کې د ګډون لپاره ترکیې ته ځي

اسلام آباد (ویب نیوز) وزیراعظم محمد شهباز شریف به د نومبر له ۱۰مې تر ۱۲مې نېټې د ترکیې د انتالیا ښار ته سفر وکړي، چېرې به د ملګرو ملتونو د اقلیمي بدلون د چوکاټ کنوانسیون له مخې د کوپ ۳۱ د نړۍ د مشرانو په سرمشریزه کې ګډون وکړي. د بهرنیو چارو وزارت په وینا، وزیراعظم به د نومبر په ۱۱مه غونډې ته وینا وکړي او له نړیوالې ټولنې به وغواړي چې د اقلیمي بدلون د اغېزو د مخنیوي لپاره عملي اقدامات وکړي. هغه به په پاکستان کې د لمریزې او نوې کېدونکې انرژۍ د پراختیا، د طبیعي پېښو پر وړاندې د چمتووالي او د وختي خبرداري د نظام د ښه کولو هڅې هم بیان کړي. وزیراعظم به د پرمختیايي هېوادونو لپاره د اقلیمي بدلون په برخه کې د وړاندوینې وړ او اسانه مالي مرستو پر برابرولو هم ټینګار وکړي. د سفر پر مهال به د ترکیې له مشرانو او نورو نړیوالو چارواکو سره هم د هغه د لیدنو کتنو امکان شته.### د عمران خان او بشریٰ بي بي سره د وکیلانو د یو ساعت ملاقات کولو حکماسلام آباد (ویب نیوز) اسلام آباد های کورټ د پخواني وزیراعظم عمران خان او د هغه د مېرمنې بشریٰ بي بي وکیلانو سلمان صفدر او سردار لطیف کھوسه ته په اډیاله زندان کې له خپلو موکلانو سره د ملاقات اجازه ورکړې او د زندان چارواکو ته یې د یو ساعت ملاقات د یقیني کولو لارښوونه کړې ده. د چیف جسټس سرفراز ډوګر په مشرۍ دوه کسیزه بینچ د القادر ټرسټ په قضیه کې د سزا پر ضد د اپیلونو د اورېدنې پر مهال دا حکم ورکړی دی. د اورېدنې پر مهال سلمان صفدر ویلي چې په تېر ملاقات کې وخت کافي نه و، له همدې امله بیا ملاقات اړین دی. هغه د بشریٰ بي بي د سترګو د درملنې او د احتمالي عملیاتو موضوع هم راپورته کړې او د طبي بورډ د جوړولو غوښتنه یې کړې ده. د اسلام آباد اېډووکېټ جنرل نوید ملک محکمې ته ویلي چې په زندان کې د بشریٰ بي بي درملنه روانه ده او په دې اړه د طبي اسانتیاوو تفصیلات هم وړاندې شوي دي.