د سینئر خبریال لالا اسرافیل وژنه؛ د خبریالانو ټولنې سخت غبرګون، د شفافې پلټنې او د خبریالانو د خوندیتوب غوښتنه

بلوچستان: د موسی خېل د سینئر خبریال لالا اسرافیل د بې‌رحمانه وژنې په پېښه د ریجنل یونین آف جرنلسټس بلوچستان سخت غم، غوسه او کلک غندنه کړې او دا یې د خبریالانو لپاره ستره تراژیدي او د نه زغملو وړ پېښه بللې ده. د یونین مشرانو سید طاهر علي شاه، رئیس فرحان جمالي او نورو غړو په ګډ بیان کې ویلي چې د خبریالانو د خوندیتوب پرته آزاد او مسؤل صحافت ممکن نه دی او دا پېښه د حقیقت د غږ د خاموشولو یوه بزدلانه هڅه ده. دوی له حکومت څخه غوښتنه کړې چې د پېښې بې‌طرفه او سمدستي پلټنې وکړي، پکې ککړ کسان ونیسي او سختې سزاوې ورکړي، او د خبریالانو لپاره دې بشپړ امنیتي تدابیر عملي کړي.