د هوساب کې د ایف سي بلوچستان لویه کامیابي، ۷ وسله وال وژل شوي، درنه وسله ترلاسه شوې

کیچ (وېب نیوز) فرنټیر کور بلوچستان (ساوتھ) د کیچ ولسوالۍ په هوشاب سیمه کې د استخباراتي معلوماتو پر بنسټ عملیات ترسره کړي چې په کې ۷ وسله وال وژل شوي دي.د آی ایس پي آر له مخې عملیات د وسله والو د موجودیت د معلوماتو وروسته پیل شول او په غرنیو سیمو کې سختې نښتې وشوې. امنیتي ځواکونو په بریالۍ توګه ټول وسله وال له منځه یوړل.په بیان کې ویل شوي چې وژل شوي کسان د امنیتي ځواکونو او عامو خلکو پر ضد بریدونو او تخریبي فعالیتونو کې ښکېل وو. د عملیاتو وروسته سیمه پاکه کړل شوه.د عملیاتو پر مهال درنه وسله، راکټ لانچر، لاسي بمونه او چاودیدونکي مواد هم ترلاسه شوي، چې د راتلونکو بریدونو لپاره پلان شوي وو.