د ایران ـ امریکا مذاکرات: ایا د قطر لومړي وزیر جې ډي وینس له پامه وغورځاوه؟ پر ټولنیزو رسنیو اټکلونه

کوټه (وېب نیوز) په سویس کې د ایران او امریکا ترمنځ د روانو مذاکراتو پر مهال یوه لنډه ویډیو پر ټولنیزو رسنیو پراخه خپره شوې او د بحث موضوع ګرځېدلې ده. په ویډیو کې د قطر لومړی وزیر د پاکستان له لومړي وزیر سره په تود هرکلي او غېږ کې لیدل کېږي، خو د امریکا مرستیال ولسمشر ته له لاس ورکولو پرته مخکې ځي. له دې وروسته پر ټولنیزو رسنیو ګڼ شمېر اټکلونه او تبصرې پیل شوې دي، خو د پېښې په اړه لا تر اوسه د قطر، امریکا یا د مذاکراتو د ګډونوالو له خوا کوم رسمي وضاحت نه دی ورکړل شوی. د سیاسي چارو شنونکي وایي چې یوازې د یوې لنډې ویډیو پر بنسټ وروستۍ پایله اخیستل مناسب نه دي.