د اسراییلو په ټاکنو کې د نتنیاهو اتحاد ۵۳ او اپوزېسیون ۶۷ څوکۍ وګټلې

تل ابیب (وېب نیوز) د اسراییلو مرکزي ټاکنیزې کمېټې د ټاکنو رسمي پایلې ولسمشر اسحاق هرزوګ ته سپارلې دي. د پایلو له مخې، د نتنیاهو اتحاد ۵۳ او اپوزېسیون ګوندونو ۶۷ څوکۍ ترلاسه کړې دي، په داسې حال کې چې عربي ګوندونو ۱۹ څوکۍ ګټلې دي. ولسمشر هرزوګ ویلي چې د ټاکنو پر پایلو شکونه راپورته کول د ډیموکراسۍ لپاره ګواښ دی او د حکومت جوړولو لپاره به له پارلماني غړو سره مشورې وکړي. هغه د عربي ټولنې پر ضد نژادپالې څرګندونې وغندلې او ویې ویل چې هېڅ ټولنه باید د ټاکنیزو پلټنو په پلمه په نښه نه شي. نوموړي پر سیاسي ګوندونو غږ وکړ چې د تفاهم او جوړجاړي له لارې د حکومت جوړولو هڅه وکړي.