د چمن ۵۰۰ ځوانانو ته د بهرنیو هېوادونو د روزګار برابرولو پرېکړه

کوټه (ویب نیوز) د چمن پر پوله د ون ډاکومنټ پالیسۍ له پلي کېدو وروسته د بلوچستان حکومت پرېکړه کړې چې د پولې د بندېدو له امله اغېزمن شوي ۵۰۰ بې‌روزګاره ځوانان به بهرنیو هېوادونو ته د کار لپاره واستوي. د فدرالي او صوبایي حکومتونو له لوري د دې پروګرام لپاره چمتووالی بشپړ شوی او له دې وړاندې اغېزمنو کورنیو ته د مرستې په توګه ۵ زره وړیا پاسپورټونه هم ورکړل شوي دي. چارواکي وایي چې د دې اقدام له لارې به ځوانانو ته د روزګار نوي فرصتونه برابر شي، اقتصادي ستونزې به راکمې شي او د بهرنیو هېوادونو څخه د رالېږل کېدونکو پیسو له لارې به د هېواد اقتصاد هم پیاوړی شي. د سیمې خلکو او مزدورانو د حکومت د دې پرېکړې هرکلی کړی او دا یې د اقتصادي ښه‌والي لپاره مهم ګام بللی دی۔