حکومت د زیارت پېښې د شهیدانو له کورنیو سره ولاړ دی، میر سلیم کهوسه

کوټه (وېب نیوز) د پاکستان مسلم لیګ (ن) پارلماني مشر او د بلوچستان د مواصلاتو وزیر میر سلیم کهوسه ویلي چې حکومت د زیارت د غمیزې د شهیدانو له کورنیو سره ولاړ دی او خپلو ژمنو ته ژمن پاتې کېږي. هغه وویل، حکومت له لومړۍ ورځې د پېښې غندنه کړې او د شهیدانو له کورنیو سره یې اړیکې ساتلې دي. نوموړي له احتجاج کوونکو وغوښتل چې د حکومت پر ژمنو باور وکړي، احتجاج پای ته ورسوي او د خبرو اترو له لارې د ستونزو د حل لپاره همکاري وکړي، څو د خلکو ورځني مشکلات کم شي.