د خضدار په وډ سیمه کې د دوو موټرو په ټکر کې ۴ کسان مړه او ۹ ټپیان شول

خضدار (وېب نیوز) د خضدار د وډ سیمې د بدرنګ په مقام کې د دوو چټکو موټرو د مخامخ ټکر له امله څلور کسان مړه او د ښځو او ماشومانو په ګډون نهه نور ټپیان شوي دي. د پولیسو په وینا، د پېښې له رامنځته کېدو وروسته د ژغورنې ډلې او پولیس سمدستي سیمې ته ورسېدل او ټپیان یې د لومړنۍ درملنې وروسته د نورو درملنو لپاره د خضدار روغتون ته ولېږدول. پولیس وایي، د لومړنیو معلوماتو له مخې د پېښې اصلي لامل چټک رفتار دی، خو د پېښې په اړه نورې پلټنې روانې دي.