د بلوچستان حکومت، د زیارت د شهیدانو د لواحقینو او ال پارټیز ترمنځ تحریري تړون
۱. د قضایي کمیسیون د جوړولو لپاره به د بلوچستان حکومت، د بلوچستان عالي محکمې (های کورټ) د پریکړې له مخې نن ورځ رسمي مکتوب جاري کوي. (د مکتوب کاپي نښتې ده)
۲. د بلوچستان حکومت به په ټولو ضلعو کې، په ځانګړي ډول د ترهګرۍ له امله په اغېزمنو شویو سیمو لکه ضلع زیارت، منجرا، هرنای، خوست، شاهرګ، سنجاوي، کلا عبدالله، پښین، کلا سیف الله، چمن او ژوب په شمول په ټول بلوچستان کې د ترهګرو او بهته خور وسله والو ډلو پر ضد سخت اقدامات کوي او هغوی به ختموي. په دې لړ کې به د اعلا وزیر په مشرۍ د امن او امان په اړه له ټولو اسټیک هولډرز، د امنیتي ادارو له مشرانو، سیاسي ګوندونو او د شهیدانو له وارثانو سره په راتلونکې اونۍ کې یوه مهمه غونډه رابلل کیږي.
۳. په پولیسو کې د لیویز ځواک د شاملولو (ضم کولو) پروسې باندې د غور لپاره به د اسمبلۍ یوه پارلماني کمیټه جوړیږي. په دغه کمیټه کې به په اسمبلۍ کې د ټولو پارلماني ګوندونو (لکه بي این پی، پیپلز پارټي، نون لیګ، بي اې پي، جمعیت علماء اسلام، پي ټي آی، او د وای ډي اې د مشرانو) استازي شامل وي. دا ګډه آل پارټیز کانفرنس به په ۱۵ ورځو کې دننه خپل رپوټ وړاندې کوي. که چیرې په کانفرنس کې اتفاقِ رائے ونه شو، نو په داسې صورت کې به په اسمبلۍ کې دننه رایه اچونه (وولټنګ) کیږي.
۴. د بلوچستان په ټولو ښاري سیمو کې د امن او امان د یقیني کولو او په تدریجي ډول د مسؤلیتونو د سپارلو لپاره به د پولیسو د کار کولو وړتیا (استعدادِ کار) نور هم زیات کړل شي.
۵. د ضلع زیارت په ځانګړي ډول د مانا، منجرا، کڅ، پولیس تاڼې یا پټکن او د هغې په څنګ کې سیمو د مځکو د ملکیت په اړه به د وزیرانو په مشرۍ یوه کمیټه جوړیږي. په دغه کمیټه کې به ټول اړوند دولتي افسران او د سیمې د معتبرو خلکو څخه جوړه شوې ۵ رکني کمیټه برخه وي. دغه کمیټه به د اړوندو سیمو د ځمکو د سیټلمنټ او د هغې د ټولو حقوقو او نورو معاملو فیصله کوي.
۶. د ټولو شهیدانو په شمول د سویلین (عامو خلکو) شهیدانو وارثانو ته به د مروجه پالیسۍ له مخې ‘شهید پیکیج’ ورکول کیږي او د هغوی د لواحقینو او ماشومانو کفالت او تعلیم به د حکومتي پالیسۍ له مخې وي. په دغه مروجه پالیسۍ او شهید پیکیج کې مالي معاوضه، پلاټ، د ماشومانو تعلیم او کفالت، په شهید کوټه کې بهرتي او د شهید د کونډې تنخوا د ۶۰ کلونو تر عمره پورې جاري پاتې کیدل شامل دي.
۷. د شهیدانو په نومونو به مختلفې دولتي ودانۍ او د کویلې پټاک چوک ته به د “شهداِ زیارت چوک” نوم ورکول کیږي.
۸. په دغه تړون باندې د دواړو خواو د موافقې وروسته به پرلت (دهرنه) پای ته رسیږي او د شهیدانو تدفین به کیږي.
د حکومتي کمیټې غړي:
- د صوبایي کمیټې چیرمین او د صحت صوبایي وزیر: بخت محمد کاکړ
- د داخلې صوبایي وزیر: میر ضیاء الله لانګو
