د بلوچستان والي د زیارت د احتجاجي کمېټې او حکومت ترمنځ شوې هوکړه وستایله

کوټه (وېب نیوز): د بلوچستان والي جعفر خان مندوخېل د زیارت د سانحې د احتجاجي کمېټې او صوبایي حکومت ترمنځ شوې بریالۍ خبرې د امن او ثبات لپاره مهم پرمختګ وباله. هغه وویل چې سیاسي خبرې اترې او متقابل تفاهم د شخړو تر ټولو غوره حل دی او د شهیدانو کورنیو ته به مالي مرستې، تعلیمي اسانتیاوې او نور قانوني حقونه ورکړل شي.