جھل مگسي کښې د ډزو پېښه، يو تن وژل شوی

جھل مګسي(ویب نیوز): د ګنداواه تحصيل د سيډ فارم سيمې ته نږدې د لاشاري قبيلې د آخونداني څانګې ترمنځ د ډزو په يوه پېښه کې يو تن وژل شوی دی. د سرچينو له مخې وژل شوی کس د فوټه خان آخونداني په نوم پېژندل شوی، او لومړني معلومات ښيي چې د پېښې لامل ښايي پخوانۍ دښمني وي، خو چارواکو لا تر اوسه رسمي تاييد نه دی کړی. د پېښې له خبر سره سم ګنداواه پوليس سيمې ته رسېدلي، شواهد يې راټول کړي او د پېښې د لاملونو او تورنو کسانو د نيولو لپاره يې پلټنې پيل کړې دي.