د کوټې ډپټي کمشنر د ګراني جوړوونکو او ناقانونه شيشه‌خانو پر ضد د سختو عملياتو امر وکړ

کوټه(ویب نیوز): د کوټې ډپټي کمشنر مهرالله باديني په مشرۍ د انتظامي افسرانو په غونډه کې د نرخونو د کنټرول، د ناقانونه افغان کډوالو د ايستلو، د شيشه‌خانو پر ضد د عملياتو او نورو اداري چارو جاج واخيستل شو. ډپټي کمشنر اړوندو چارواکو ته لارښوونه وکړه چې د ګراني جوړوونکو او ناجايزه ګټه اخيستونکو پر ضد بې‌توپيره عمليات وکړي او د شيدو، مستو، غوښې او اوړو سرکاري نرخونه په کلکه عملي کړي. نوموړي همدارنګه د ناقانونه شيشه‌خانو پر ضد د عملياتو د چټکتيا او د ناقانونه افغان کډوالو د قانوني ايستلو بهير د لا اغېزمنولو سپارښتنه هم وکړه.