د بلوچستان–سند پر پوله د ترهګرۍ او قاچاق پر ضد ګډ عملیاتي پلان جوړ شو

کوټه (ویب نیوز)د بلوچستان او سند پولیسو د دواړو صوبو ترمنځ پر پوله د ترهګرۍ، قاچاق، ناقانونه تګ راتګ او جرمي فعالیتونو د مخنیوي لپاره ګډ عملیاتي پلان چمتو کړی دی. د حب په لیډا کنفرانس هال کې د دواړو صوبو د لوړپوړو امنیتي چارواکو په ګډه غونډه کې پرېکړه وشوه چې د پولې په اوږدو کې به نوې امنیتي پوستې جوړېږي، ګډ عملیات او ګزمې به پراخېږي، استخباراتي معلومات به پر وخت سره شریکېږي او د ترهګرو، قاچاقبرو او نورو جرمي ډلو پر ضد به همغږي اقدامات ترسره کېږي، ترڅو په سرحدي سیمو کې امنیت او ثبات لا پیاوړی شي.