زیارت: د کلي تنګي په سیمه کې تاوتریخوالی، دوه سیمه‌ییزې ډلې مخامخ ولاړې دي

کوټه (ویب نیوز)د زیارت ولسوالۍ د کلي تنګي په سیمه کې د سارو په ځای کې د دوو سیمه‌ییزو ډلو ترمنځ سخت تاوتریخوالی رامنځته شوی، چې دواړه لوري د یو بل پر وړاندې مورچلې نیولې دي. د ځايي سرچینو له مخې، په سیمه کې وضعیت ډېر اندېښمن دی او د هر ډول ناخوښه پېښې د رامنځته کېدو له وېرې خلک په ویره او اندېښنه کې دي. ځايي سرچینې وایي چې تر اوسه انتظامیه د وضعیت په کنټرول کې پاتې راغلې او ترینګلتیا لا هم دوام لري. تر اوسه حکومتي چارواکو د پېښې او یا د احتمالي اقداماتو په اړه رسمي بیان نه دی خپور کړی.