د نوو صوبو په جوړېدو د ولس برخلیک نه بدلېږي، ملک سکندر ایډووکېټ

کوټه(ویب نیوز) د جمعیت علمای اسلام(ف) مرکزي ګډ منشي ملک سکندر ایډووکېټ ویلي چې حکومت باید د نوو صوبو د جوړولو پر ځای ولس ته د روزګار، تعلیم، روغتیا، برېښنا، ګاز، پاکو اوبو او نورو بنسټیزو اسانتیاوو برابرولو ته لومړیتوب ورکړي. هغه وویل، بلوچستان لا له وړاندې له وروسته پاتې والي، بې روزګارۍ او د اسانتیاوو له کمښت سره مخ دی او د نوو صوبو، ضلعو او اداري واحدونو جوړول ښايي مالي او اداري ستونزې لا زیاتې کړي. نوموړي له حکومته وغوښتل چې پر سیاسي اعلانونو سربېره د ولس د بنسټیزو ستونزو د حل لپاره عملي ګامونه پورته کړي.