خضدار، د کرنې محکمې په دندو کې د احتمالي بې‌نظمۍ پر ضد د میر جهانزیب مېنګل سخت غبرګون

خضدار(ویب نیوز) د بلوچستان اسمبلۍ غړي میر جهانزیب مېنګل د کرنې محکمې په خالي بستونو کې د احتمالي بې‌نظمۍ پر ضد سخت غبرګون ښودلی او ویلي یې دي چې دولتي دندې د کوم افسر، سیاسي شخصیت یا بااثر کس شخصي جاګیر نه دي، بلکې د ولس د اولادونو حق او د دولت امانت دی. هغه وویل چې د وړتیا او میرټ د له منځه وړلو، خپلوان پالنې، سفارشي مقررۍ او د خوښې کسانو د ګومارلو اجازه به ورنه کړل شي. نوموړي غوښتنه وکړه چې د کرنې محکمې د ټولو بستونو د ګمارنې بهیر دې سمدستي او بې‌طرفه وڅېړل شي، د میرټ خلاف اقدامات دې ودرول شي او مسؤل کسان دې قانوني سزا وویني. میر جهانزیب مېنګل څرګنده کړه چې د وډھ او خضدار د ځوانانو پر حقونو به هېڅ ډول جوړجاړی ونه شي او که میرټ تر پښو لاندې شو، نو موضوع به د بلوچستان اسمبلۍ په ګډون په هر اړوند فورم کې په کلکه راپورته کړي.