عاصم افتخار: د حوثیانو بریدونه د سمندري امنیت، سیمه‌ییزې سولې او پرمختګ لپاره ګواښ دي

کوټه(ویب نیوز) پاکستان د ملګرو ملتونو د امنیت شورا په غونډه کې پر سوداګریزو بېړیو د حوثیانو د بریدونو په اړه اندېښنه څرګنده کړې او د کړکېچ د کمولو او د خوندي سمندري تګ راتګ پر یقیني کولو یې ټینګار کړی دی. په ملګرو ملتونو کې د پاکستان دایمي استازي عاصم افتخار وویل چې په باب المندب کې بریدونه او د هرمز تنګي په تګ راتګ کې خنډونه د نړیوالې سولې، انرژۍ او غذایي امنیت پر وړاندې اغېز لرلی شي او سمندري بحران د سیمه‌ییز ثبات او پرمختګ لپاره هم ګواښ دی. نوموړي د سعودي عربستان د ملاتړ بیا څرګندونه وکړه او ویې ویل چې د هرمز تنګی د نړیوالې سمندري سوداګرۍ مهمه لار ده او هر ډول خنډ پکې د انرژۍ او سرې نړیواله رسونه اغېزمنولی شي. عاصم افتخار وویل پاکستان به د شخړو د خبرو له لارې د حل، د کړکېچ د کمولو او د خوندي سمندري سوداګرۍ لپاره خپلې ډیپلوماټیکې هڅې روانې ساتي.