مدر ډی د مور بې‌مثاله مينه او قربانۍ د منلو ورځ ده: مریم نواز

لاهور (نوې ژوند) د پنجاب وزیراعلیٰ مریم نواز شریف ويلي دي چې مدر ډی د مور بې‌مثاله مينه او قربانۍ د منلو ځانګړې ورځ ده۔په خپل پيغام کې هغې وويل چې مدر ډی د هغو زړورو ميندو د درناوي ورځ ده چې خپل زامن د جګړې محاذ ته لېږي، د هر شهيد او هر غازي مور، د خپلو ماشومانو لپاره سخت کار کوونکې او هغه هره بې‌ځانه مور چې خپله لوږه زغمي خو اولاد ته ډوډۍ ورکوي، ټول د درناوي وړ دي۔هغې زياته کړه چې مور د ژوند په تودو ورځو کې د يخې سيوري په څېر د سکون او ارام سرچينه ده، او الله تعالی خپله مينه د مور له مينې سره تشبيه کړې چې د هغې مقام يې لوړ کړی دی۔مریم نواز وويل چې مور رښتيني احساس او سپېڅلي رشتې ته وايي، او ميندې د کورنۍ بنسټ او د ټولنې ستنې دي۔هغې زياته کړه چې مدر ډی د مور د سترې مينې او قربانۍ د منلو ورځ ده، او هغه هر کال د خپلې مرحومې مور بيګم کلثوم نواز ياد تازه کوي او د هغې د مينې او شفقت نه شي هېرولی۔وزیراعلیٰ وويل چې د خپلې مور د دعاګانو برکت دی چې نن په دې مقام ولاړه ده، او هغه کسان چې د مور خدمت کوي په دنيا او آخرت کې کاميابېږي۔مریم نواز د ټولو ميندو د صحت او روغتيا لپاره دعا وکړه او هغوی ته يې د درناوي پيغام وړاندې کړ۔