وزیراعظم: “معرکه حق” کې هر لوري ته د شاهينانو غلبه او د دښمن الوتکو ملبه وه

اسلام آباد (نوې ژوند) وزیراعظم شهباز شریف ویلي دي چې د “معرکه حق” لنډيز دا دی چې هر لوري ته د پاکستان د شاهينانو غلبه وه او د دښمن د الوتکو ملبه پر ځمکه پرته وه۔په اسلام آباد کې د “معرکه حق” د بريا د لومړۍ کليزې په مرکزي دستوره کې د وينا پر مهال وزیراعظم وويل چې هند د پهاګام پېښه د بې بنسټه تورونو لپاره استعمال کړه۔هغه زياته کړه چې د دښمن د تيارې شپې حملې ته پاکستان تاريخي ځواب ورکړ، او د معرکه حق خلاصه دا ده چې “هر طرف زموږ د شاهينانو غلبه وه او د دښمن د الوتکو ملبه وه”۔شهباز شريف وويل چې موږ د الله تعالی شکر ادا کوو چې په دې معرکه کې يې بريا نصيب کړه، او د وطن د دفاع لپاره د شهيدانو قربانۍ ته سلام وړاندې کوو۔هغه وويل چې پاکستان د دښمن هر ډول ماجراجويۍ په اړه مخکې له مخکې خبرداری ورکړی و او د هر ډول تحقيقاتو وړانديز يې هم کړی و، خو “بې زړه دښمن” پر موږ جګړه تحميل کړه چې زموږ زړورو ځواکونو ورته تاريخي ځواب ورکړ۔وزیراعظم زياته کړه چې کله زموږ شاهينانو پر دښمن بريد وکړ نو د هغوی حال خراب شو او بالاخره د جګړې بندولو غوښتنه کولو ته مجبور شول۔ هغه وويل چې د يو کال په تېرېدو سره هم هند تر اوسه کوم ثبوت نه دی وړاندې کړی۔شهباز شريف اعلان وکړ چې د ۱۰ مې نېټه به د “يوم معرکه حق” په نوم نمانځل کېږي او دا ورځ به هر کال په ځانګړي جوش او جذبې سره لمانځل کېږي۔هغه د هېواد شهيدانو، د هغوی کورنيو او ولس ته سلام وړاندې کړ او د وسله والو ځواکونو د مشر فیلډ مارشل سيد عاصم منير ستاينه يې وکړه۔وزیراعظم وويل چې د هوايي ځواکونو مشر ائير چیف مارشل ظهير احمد بابر ذکر پرته د تاريخ بيان نيمګړی دی، او د پاکستان هوايي ځواک د دښمن ټول دعوې رد کړې۔هغه د بحري ځواکونو مشر اډمرل نويد اشرف او د بحري ځواکونو ټولو سرتېرو ته هم د درناوي پېغام وړاندې کړ۔شهباز شريف وويل چې په “معرکه حق” کې د پاکستان ۲۴ کروړه ولس د خپلو وسله والو ځواکونو ترڅنګ د فولادي دېوال په څېر ولاړ و۔