بلوچستان هایکورټ د بي ډي اې چیئرمین جاوېد احمد خان له دندې لرې کړ

کوئټه (ویب‌سایټ) — د بلوچستان هایکورټ د بلوچستان ډیولپمنټ اتھارټۍ (بي ډي اې) چیئرمین جاوېد احمد خان له خپلې دندې لرې کړی او د هغه ټاکنه یې غیرقانوني ګرځولې ده.د چیف جسټس هاشم خان کاکړ، جسټس کامران ملاخېل او جسټس نجم الدین مېنګل پر بنسټ درې کسیز بینچ د مقدمې تر اورېدنې وروسته پرېکړه واوروله چې د بي ډي اې د چیئرمین ټاکنه د قانون خلاف شوې ده.عدالت جاوېد احمد خان ته امر کړی چې په ۲۴ ساعتونو کې دننه خپل دفتر خالي کړي او ټولې سرکاري اسانتیاوې بېرته وسپاري.هایکورټ په خپلو څرګندونو کې ویلي چې دا ډول غیرقانوني ټاکنې د منلو وړ نه دي، په داسې حال کې چې د نوموړي پر ضد په نېب کې پلټنې هم روانې دي.عدالت د بلوچستان حکومت ته هم لارښوونه کړې چې د قانون له مخې دې د نوي چیئرمین ټاکنه په شفافه توګه ترسره کړي.د عدالتي فیصلې وروسته په صوبایي انتظامیه کې پراخه تودوخه رامنځته شوې او حکومت د نوي چیئرمین د ټاکنې لپاره قانوني اقدامات پیل کړي دي۔