افغانستان کې انساني بحران ژور شوی، طالبان رژیم د سختو نیوکو سره مخ

کابل: په افغانستان کې د بشري بحران، بې وزلۍ او خوراکي کمښت له امله حالات لا خراب شوي دي او راپورونه ښيي چې د سختې لوږې له امله ځینې کورنۍ اړ کېږي چې د ژوندي پاتې کېدو لپاره سختې پرېکړې وکړي. نړیوالو رسنیو ویلي چې په افغانستان کې له اقتصادي بحران، بې روزګارۍ او روغتیایي ستونزو له امله میلیونونه خلک له سختو مشکلاتو سره مخ دي، او د ملګرو ملتونو د معلوماتو له مخې د هېواد درې پر څلورمه برخه خلک بنسټیزې اړتیاوې نه شي پوره کولی. راپورونه زیاتوي چې روغتونونه د درملو له کمښت سره مخ دي او خلک اړ دي چې له بازار څخه درمل واخلي. د کارپوهانو په وینا د طالبانو ناسمې تګلارې او اقتصادي بې ثباتي د افغانستان د خلکو ژوند لا سخت کړی او هېواد یې له نړیوالې انزوا سره مخ کړی دی.