کوئټه:(د ورځپاڼې نوې ژوند پښتو) د کچې د غلو له خوا تښتول شوې ۱۱ کلنه ماشومه په خوندي توګه راخوشې کړل شوه چې له امله یې د ماشومې کورنۍ او په سیمه کې د خوشحالۍ فضا خپره شوې ده. د سرچینو له مخې د ماشومې د تښتونې پر ضد له کوئټې او نورو پښتني سیمو څخه د قومي غیرت تر عنوان لاندې د سلګونو وسلوالو کسانو یو لوی قبایلي کاروان د کچې خطرناکو سیمو ته تللی و. ویل کېږي چې د قبایلي لښکر د فشار او عملي ګامونو له امله تښتوونکي شا ته تګ ته اړ شول او بالاخره ماشومه په خوندي توګه د هغوی له منګولو خلاصه کړل شوه. د ماشومې په بېرته راستنېدو قبایلي مشرانو او عامو خلکو خوښي څرګنده کړه او دا ګډه مبارزه یې د مظلومې کورنۍ لپاره ستره بریا وبلله.
