د مسجد اقصیٰ د اداري واکونو په اړه د امریکا او اسرائیل د پلان راپور مخې ته راغلی

بیت المقدس (نوی ژوند پښتو ویب نیوز) ۲۶ مۍ ۲۰۲۶ء: د یوې نړیوالې راپور له مخې د مسجد اقصیٰ د اداري واکونو له اردن څخه د اخیستو په اړه د امریکا او اسرائیل یو ممکنه پلان تر غور لاندې دی، چې پکې د اوسني اداري جوړښت د بدلولو وړاندیز شوی دی۔راپور وایي چې د اردن تر سرپرستۍ لاندې د اسلامي وقف اداره د ختمولو او پر ځای یې د یوه نوي ادارې د جوړولو خبره کېږي، چې مسجد اقصیٰ به د “د څو مذهبونو مرکز” په توګه وړاندې کوي۔ د معلوماتو له مخې د دې پلان له مخې یهودانو ته مسجد اقصیٰ ته لا زیاته لاسرسی ورکول او د ځینو مذهبي فعالیتونو اجازه ورکول هم تر بحث لاندې دي۔همدارنګه ویل کېږي چې د ادارې د ټاکنو او خطبو په محتوا باندې د نفوذ زیاتولو خبرې هم شته۔ راپور زیاتوي چې ځینو عربي هېوادونو ته د دې پلان په اړه معلومات ورکړل شوي، خو ځینې هېوادونه لکه سعودي عربستان یې مخالفت کړی دی۔