په خاران کې کور ته دننه ډزې، دوه سکه وروڼه وژل شوي

خاران(نوی ژوند) د خاران ښار په یوه خواشینونکي پېښه کې نامعلومو وسلوالو د یوه کور دننه ډزې کړې چې له امله یې دوه سکه وروڼه وژل شوي، او بریدګر له سیمې تښتېدلي دي. د پولیسو په وینا پېښه د سراوان روډ د شیخ مسجد ترڅنګ هغه مهال رامنځته شوه کله چې وسلوال کور ته ننوتل او بې هدفه ډزې یې وکړې، چې له امله یې نورالله او حمیدالله د رحم الله زامن سخت ټپیان شول او ځای پر ځای یې ژوند له لاسه ورکړ. د پېښې وروسته په سیمه کې ویره او اندېښنه خپره شوه، پولیس او د قانون پلي کوونکي ادارې سیمې ته ورسېدل او شواهد یې راټول کړل او سیمه یې کلابنده کړه. د پولیسو په وینا د پېښې پلټنې له بېلابېلو اړخونو روانې دي او د تورنو د پېژندنې او نیولو هڅې روانې دي. د دواړو وروڼو مړي د خاران سول روغتون ته وړل شوي وو، چې له قانوني کاروايي وروسته یې خپلوانو ته وسپارل شول.