پاکستان د اسټرالیا پر وړاندې د یو ورځنیو سیالی لړۍ وګټله

کوټه (نوی ژوند وېب نیوز) پاکستان د اسټرالیا پر وړاندې د درې یو ورځنیو لوبو د لړۍ وروستۍ او پرېکړه کوونکې لوبه د څلورو ویکټو په توپیر وګټله او ټوله لړۍ یې 2-1 په خپل نوم کړه. د لاهور په قذافي سټېډیم کې ترسره شوې لوبه کې اسټرالیا لومړی بیټینګ وکړ او ټول لوبغاړي یې په 157 منډو وسوځېدل. د اسټرالیا له خوا کپتان جوش انګلس 65 منډې جوړې کړې. د پاکستان له لوري شاهین شاه اپریدی درې، شاداب خان او ابرار احمد دوه، دوه ویکټې ترلاسه کړې. د 158 منډو هدف په تعقیب کې د پاکستان بیټرانو له ستونزو سره مخامخ شول، خو بابر اعظم 40 منډې جوړې کړې او وروسته شاداب خان 29 او عبدالصمد 18 منډې ناسوځېدلې جوړې کړې. دواړو د اوومې ویکټې لپاره 49 منډې ملګرتیا وکړه او پاکستان یې بریا ته ورساوه. د دې بریا سره پاکستان د اسټرالیا پر وړاندې د یو ورځنیو لوبو لړۍ په خپل نوم کړه.