امریکا پر ایران د نوو بندیزونو اعلان وکړ

واشنګټن (ويب نيوز) امریکا پر ایران نوي بندیزونه لګولي او یو شمېر ایراني وګړي، شرکتونه او ادارې یې د بندیزونو په نوملړ کې شامل کړي دي. د امریکايي چارواکو په وینا، دغه بندیزونه د ایران د اټومي پروګرام، سیمه ییزو فعالیتونو او مالي شبکو په اړه د اندېښنو له امله لګول شوي دي. بل لور ته ایراني چارواکو د امریکا دا اقدام غیرقانوني او پاروونکی بللی او ویلي یې دي چې دا ډول بندیزونه به د دواړو هېوادونو ترمنځ روانې ډیپلوماتیکې هڅې اغېزمنې کړي. شنونکي باور لري چې د دغو نوو بندیزونو له امله په سیمه کې کړکېچ نور هم زیاتېدای شي.