شاهدین شاه آفریدی د ټیسټ لوبډلې له کیمپ څخه ایستل شوی

لاهور (ویب نیوز) د پاکستان کرکټ بورډ پرېکړه کړې چې د ون ډی لوبډلې کپتان شاهدین شاه آفریدی د ټیسټ لوبډلې په کیمپ کې شامل نه کړي. د PCB له خوا په لاهور کې ۴۹ لوبغاړي د روزنیز کیمپ لپاره رابلل شوي، چې پکې ۲۲ د ریډ بال او ۲۷ د وائټ بال برخه دي. د سرچینو له مخې د بورډ د فکر ډلې پرېکړه کړې چې شاهین یوازې د وائټ بال سکواډ برخه وي او تمه ده چې هغه به د جون په ۱۵ نېټه کیمپ ته ورشي. ۲۶ کلن فاسټ بالر چې په ۲۰۱۷ کې یې د نیوزی لینډ پر ضد خپل لومړی ټیسټ لوبولی و، تر اوسه په ۳۴ ټیسټ سیالیو کې ۱۲۶ ویکټې اخیستي دي. د بنګله‌دېش دورې پر مهال د هغه د بالینګ پر سرعت او کارکردګۍ نیوکې شوې وې او همدا راز بورډ ته دا اندېښنې هم موجودې دي چې هغه په منظم ډول په فرسټ کلاس کرکټ کې ګډون نه کوي، له همدې امله پرېکړه شوې چې هغه به په راتلونکي کې د ټیسټ لپاره تر غور لاندې نه نیول کېږي او تمرکز به یې محدود اوورز کرکټ وي.