اسحاق ډار له چینایي سفیر جیانګ ژی دونګ سره ولیدل، د سویس د مذاکراتو په اړه یې معلومات ورکړل

کوټه (وېب نیوز) د پاکستان د مرستیال لومړي وزیر او بهرنیو چارو وزیر له چینایي سفیر سره په لیدنه کې د سیمې پر وضعیت، لوړو دیپلوماتیکو اړیکو او د سولې د بهیر د پیاوړتیا په اړه خبرې وکړې. د بهرنیو چارو وزارت ویاند ویلي چې اسحاق ډار چینایي سفیر ته په سویس کې د ترسره شویو لوړې کچې مذاکراتو د پرمختګ په اړه معلومات ورکړل او د مصر د وروستي سفر جزییات یې هم ورسره شریک کړل. په غونډه کې د پاکستان د سولې هڅو لپاره د چین دوامداره ملاتړ وستایل شو او د چین د ولسمشر څلور ماده‌ییز وړاندیز او د چین ـ پاکستان پنځه ماده‌ییز نوښت هم مهم وبلل شو. دواړو لورو د همکاریو د لا پراختیا او د ټولو پاتې مسایلو د حل لپاره د خبرو اترو او دوامدارې دیپلوماسۍ پر اهمیت ټینګار وکړ.