د دالبندین په ظهور کالونۍ کې د کثافاتو په ډنډ کې چاودنه، ځاني زیان نه دی اوښتی

دالبندین (وېب نیوز) د دالبندین په ګڼ مېشته ظهور کالونۍ سیمه کې د کثافاتو په یوه ډنډ کې زوروره چاودنه شوې چې له امله یې یوې نږدې دیوال ته لږ زیان رسېدلی، خو نېکمرغه دا چې د سر او مال کوم زیان نه دی اوښتی. د پولیسو د معلوماتو له مخې، د پېښې له رامنځته کېدو سره سم امنیتي ځواکونه او سیمه ییزه اداره سیمې ته ورسېدل، سیمه یې کلابنده کړه او شواهد یې راټول کړل. چارواکي وایي چې د چاودنې د نوعیت او لاملونو معلومولو لپاره هر اړخیزې پلټنې روانې دي او د پېښې په اړه نور جزئیات به له تحقیقاتو وروسته څرګند شي۔