د ډېره مراد جمالي په اقبال ټاون کې د کور دننه ډزې، مېرمن، خواښې او خسر ووژل شول

ډېره مراد جمالي (وېب نیوز) د ډېره مراد جمالي د اقبال ټاون په سیمه کې یو دردناک پېښه رامنځته شوې چې پکې یوه کس د کور دننه ډزې کړې او خپله مېرمن، خواښې او خسر یې وژلي دي. د پولیسو په وینا، تورن اسرار احمد له پېښې وروسته له سیمې تښتېدلی دی، په وژل شویو کسانو کې د هغه مېرمن کونج بي بي، خسر یاسین خان او خواښې مدیحه بي بي شامل دي. د پېښې له خبر ترلاسه کېدو سره سم پولیس سیمې ته ورسېدل او مړي یې روغتون ته ولېږدول. پولیسو په سیمه کې کلابندي کړې، د تورن د نیولو هڅې روانې دي او د پېښې د اصلي لامل معلومولو لپاره پلټنې دوام لري.