په بلوچستان کې د امنیتي ځواکونو دوه استخباراتي عملیات، اته وسله وال ووژل شول

اسلام آباد(ویب نیوز) د آی اېس پي آر په وینا، د بلوچستان په خاران او مستونګ ولسوالیو کې د امنیتي ځواکونو په دوو جلا استخباراتي عملیاتو کې اته وسله وال وژل شوي دي. د عملیاتو پر مهال وسلې، چاودېدونکي توکي او موټرسایکلونه هم ترلاسه شوي، او په سیمو کې د لټون او پاکولو عملیات دوام لري. آی اېس پي آر ویلي چې د ترهګرۍ او د هغې د ملاتړو تر بشپړ له منځه وړلو پورې به عملیات روان وي.