د امنیت په اړه د حکومت ادعاوې له واقعي حالاتو سره سمون نه خوري، پښتونخوا ملي عوامي ګوند

کوټه (وېب نیوز) د پښتونخوا ملي عوامي ګوند د کوټې ولسوالۍ په غونډه کې ویل شوي چې په بلوچستان، په ځانګړي ډول کوټه کې د امنیت خراب وضعیت د حکومت ټولې ادعاوې ردوي. غونډې ته ویناوالو وویل چې د وژنو، تښتونو، غلاوو، د لویو لارو ناامنۍ او نورو جرمونو زیاتوالي خلک له سختې وېرې سره مخ کړي دي. دوی له حکومت وغوښتل چې د خلکو د سر او مال ساتنه یقیني کړي، د جرمونو پر ضد جدي او بې پرې اقدامات وکړي او د قانون واکمني ټینګه کړي. غونډه کې د ګوند د تنظیمي چارو او راتلونکو فعالیتونو هم جاج واخیستل شو.