نړیوال او کورني بازار کې د سرو زرو او سپینو زرو بیې راټیټې شوې

کراچۍ (یو این اې) په نړیوال بازار کې د سرو او سپینو زرو د بیو د کمېدو اغېز په پاکستان کې هم لیدل شوی دی. د نړیوال بلین بازار له مخې، د سرو زرو بیه د هر اونس په سر ۵۲ ډالره راټیټه شوې او ۳ زره ۹۷۲ ډالرو ته رسېدلې ده. په پاکستان کې د یو توله سرو زرو بیه ۵ زره ۲۰۰ روپۍ راکمه شوې او ۴ لکه ۱۹ زره ۶۳۶ روپیو ته رسېدلې، همدارنګه د لس ګرامه سرو زرو او سپینو زرو په بیو کې هم د پام وړ کموالی راغلی دی.