د اسلامي نړۍ پر وړاندې شته ننګونو ته د مقابلې لپاره یووالی اړین دی، مولانا عبدالغفور حیدري

کوټه (وېب نیوز) د جمعیت علمای اسلام (ف) مرکزي عمومي منشي او د پاکستان د قومي اسمبلۍ غړي مولانا عبدالغفور حیدري ویلي، د امریکا، اسرائیل او هند ائتلاف اسلامي نړۍ له سولې، اقتصادي ودې، دفاعي ځواک او پرمختګ څخه د بې‌برخې کولو هڅې کوي. نوموړي وویل، په سیمه کې روانه ناامني، وینه تویونه او شخړې د همدې تهاجمي تګلارې دوام دی، او اسلامي هېوادونه د خپلو ګډو ننګونو د حل لپاره یووالي او ګډې تګلارې ته سخته اړتیا لري. هغه زیاته کړه، د مسلمانو هېوادونو ترمنځ بې‌اتفاقي د ظلم، اقتصادي استحصال او بې‌ثباتۍ لامل شوې، او د اسلامي امت د ګډو ستونزو حل یوازې د اسلامي هېوادونو ترمنځ د یووالي، متقابلې همکارۍ او ښو اړیکو له لارې ممکن دی.