وزیراعظم شهباز شریف د ترکیې په رسمي سفر استانبول ته ورسېد، د پاکستان او ترکیې د همکاریو پر پراختیا به مهمې خبرې وکړي

استانبول (وېب نیوز) د پاکستان وزیراعظم شهباز شریف د ترکیې د ولسمشر رجب طیب اردوغان په بلنه رسمي سفر لپاره استانبول ته ورسېد، چېرې چې د ترکیې د سوداګرۍ وزیر پروفیسور ډاکټر عمر بولات د هغه هرکلی وکړ. په دې موقع د پاکستان سفیر ډاکټر یوسف جنېد، د ترکیې د بهرنیو چارو وزارت چارواکي، د پاکستان مرستیال وزیراعظم او د بهرنیو چارو وزیر اسحاق ډار او د اطلاعاتو وزیر عطاالله تارړ هم حاضر وو. د سفر پر مهال به وزیراعظم شهباز شریف او ولسمشر اردوغان د دواړو هېوادونو د اړیکو، سوداګرۍ، پانګونې، سیمه‌ییز امنیت او نورو ګډو همکاریو په اړه تفصیلي خبرې وکړي. وزیراعظم به په استانبول کې د پاکستان په کوربه‌توب جوړېدونکې سوداګریزې غونډې ته هم وینا وکړي، چې پکې به د ځانګړو اقتصادي زونونو، انرژۍ، معلوماتي ټکنالوژۍ (IT) او خصوصي‌سازۍ په برخو کې د پانګونې فرصتونه معرفي شي، او د ترکیې مخکښ سوداګر او لوړپوړي حکومتي چارواکي به هم ګډون وکړي.