د سمندري اصلاحاتو په برخه کې د وزیراعظم د ټاسک فورس سترې لاسته راوړنې، په یو نیم کال کې ۸۵ اصلاحاتي اقدامات بشپړ

اسلام‌آباد (وېب نیوز) د پاکستان د وزیراعظم د سمندري اصلاحاتو ټاسک فورس د یو نیم کال په موده کې د اصلاحاتو په پلي کولو کې د پام وړ بریاوې ترلاسه کړې دي. د چارواکو په وینا، د ۹۹ سپارښتل شوو اصلاحاتي اقداماتو څخه ۸۵ بشپړ شوي، ۱۱ نور د بشپړېدو وروستیو پړاوونو کې دي او پر ۳ اوږدمهاله پروژو کار روان دی. د اصلاحاتو په لړ کې د ملي بندرونو ماسټر پلان، د بندرونو لپاره یو شان تعرفه، ټرانزېټ سوداګري، د بندرونو د ظرفیت لوړول، د کراچۍ بندر د ځمکو څخه د تجاوزاتو لرې کول، د ټرانس‌شپمنټ او بنکرنګ اسانتیاوې، د کښتیو د جوړولو او ترمیم صنعت ته وده، د کب نیونې پنځه کلن پلان او له اته کلن ځنډ وروسته د کښتیو د ریسایکلنګ بیا پیل شامل دي. چارواکي وایي، د نېشنل ډریجنګ اېنډ میرین سروسز ادارې په جوړېدو سره د بندرونو د ډریجنګ په برخه کې د ځان بسیاینې پر لور هم مهم ګام پورته شوی دی.